ചിലര്ക്ക് പ്രായത്തേക്കാള് കൂടുതല് പ്രായമാകും.എന്റെ ഉപ്പ ആ തരത്തിലുള്ള ആളാണ്, 60 വയസ്സുള്ളപ്പോള് ഉപ്പ ഒരു എണ്പതിന്റെ പ്രകടനം കാഴ്ചവെച്ചു.മൊബൈല് ഉപയൊഗിക്കാന് ഞാന് ഉപ്പയെ പഠിപ്പിച്ചതിനു എനിക്കൊരു അവാര്ഡ് തരണം ഐക്യരാഷ്ട്രസഭ.എന്നാല്തന്നെയും ഞങ്ങളുടെ വായനാശീലവും അഭിമാനബോധവും സ്വതന്ത്ര ചിന്താഗതിയും എല്ലാം ഉപ്പാക്ക് അവകാശപ്പെട്ടതാണുതാനും, ചെറുപ്പത്തില് ഞങ്ങളുടെ വീട്ടില് ഉപ്പ 2 പത്രം വരുത്തും.ഒന്നു, ദേശാഭിമാനി, അത് പാര്ട്ടി വിവരങ്ങള് അറിയാനാണ്, പിന്നൊന്നു മാത്രുഭൂമി.ഇതും പോരാഞ്ഞ് മാത്രുഭൂമി ആഴ്ചപ്പതിപ്പും കുറച്ചു കൂടി വലുതായപ്പോള് ആരോഗ്യമാസികയും വരുത്താന് തുടങ്ങി( അതു വായിച്ച് ഞനും സാബിറയും നിത്യരോഗികളായി).ഈ രണ്ട് മാസികകളിലൂടെയും ഞാന് ചെറുപ്പം മുതലേ വായിച്ചിരുന്നതാണ് ബി. ഇക്ബാലിനെ.സ്കൂള് വിദ്യഭ്യാസം ലഭിചിട്ടില്ലാത്ത ഉപ്പ സ്വന്തമായി ഒരു ലിപി തന്നെ വികസിപ്പിച്ചിരുന്നു, അതു വായിച്ചാല് മനസ്സിലാകുന്ന രണ്ടേ രണ്ട് വ്യക്തികളേ ഉള്ളൂ, ഒന്ന് ഞാന്, രണ്ടാമത്തെയാള് ഉപ്പ തന്നെ.
എനിക്കും വിനീതക്കും MLISc ക്ക് റാങ്ക് കിട്ടിയത് പ്രമാണിച്ച് ഫറൂഖ് കോളേജുകാര് ഒരു അവാര്ഡ് ദാനം സംഘടിപ്പിച്ചു.വര്ഷങ്ങള് കൊണ്ടുള്ള ഉപ്പയുടെ വിലാപത്തിനു (എത്ര കുട്ട്യോള്ടെ ഫോട്ടം പേപ്പറില് വരുന്നു റാങ്കും കിട്ടിയിട്ട്)പരിഹാരമായി കിട്ടിയ റാങ്ക് സ്വീകരണം കാണാന് ഞാനും ഉപ്പയും സഹോദരിയും കൂടി പോകാമെന്നു വെച്ചു.ഇക്ബാല് സാറായിരുന്നു അവാര്ഡ് ദാനത്തിന് ക്ഷണിക്കപ്പ്പ്പെട്ടത്. അന്നു സര് കേരള യൂണിവേഴ്സിറ്റി വിസി ആണെന്നു തോന്നുന്നു.ആ ഡെസിഗ്നേഷനും മുമ്പെ ഞാന് വായിച്ചറിഞ്ഞിട്ടുള്ള സാറില് നിന്നും അത് വാങ്ങാന് കഴിയുന്നതില് എനിക്കും സന്തോഷം തോന്നി.
അങ്ങനെ അന്നേ ദിവസം ബസ്മാര്ഗം ഞങ്ങള് ഫരൂഖിലേക്ക് പട്ടാമ്പിയില് നിന്നും പുറപ്പെട്ടു.(ട്രെയിനും ഞാനും ശത്രുക്കളാണല്ലോ).പക്ഷേ ആയിടക്ക് ഒരു അറ്റാക്ക് കഴിഞ്ഞിട്ടുള്ള ഉപ്പ അവിടെ എത്തിയപ്പോഴേക്കും ക്ഷീണിച്ചു പോയി.എസി ഹാളിലായിരുന്നു സ്റ്റേജ്.എന്റെയും വിനീതയുടെയും വീട്ടുകാരെ പ്രമുഖ അതിഥികളായി ഹാളിലെ മുന്സീറ്റില് തന്നെ സംഘാടകര് ഇരുത്തി.ഇക്ബാല് സര് എത്തി, . അന്നു അത്ഭുതവസ്റ്റുവായ പെന്ഡ്രൈവ് കാണിച്ചു, അതു കംപ്യൂട്ടെറില് ഘടിപ്പിച്ചു പ്രസംഗം തുടങ്ങി.ചെവി വളരെ കുറച്ചു കേള്ക്കുന്ന ഉപ്പ പ്രസംഗം ശ്രദ്ധിക്കുന്നതു പോലുമില്ലെന്നു എനിക്കു മനസ്സിലായി.വളരെ താല്പര്യത്തോട് കൂടെ എല്ലാവരും പ്രസംഗം കേട്ട്കൊണ്ടിരിക്കുകയാണ്, എന്റെ പകുതി മനസ്സാണെങ്കില് ഉപ്പയുടെ പോക്കറ്റിലിരിക്കുകയാണ്.കാരണം ഇങ്ങനെയുള്ള ചടങ്ങുകളില് ഉപ്പ തീരെ പങ്കെടുത്തിട്ടില്ല.വല്ല അക്രമവും കാണിച്ചാലോ എന്ന ആപത്ശങ്ക. കുറച്ചു കഴിഞ്ഞതും എസിയുടെ തണുപ്പു കാരണം ഉപ്പ ചുമക്കാന് തുടങ്ങി.സംഘാടകര് ഓടിപ്പോയി തണുപ്പു കുറച്ചു.ഉപ്പ ചുമക്കും, ഇകബാല് സര് പ്രസംഗം ഒന്നു നിര്ത്തും വീണ്ടും തുടരും.അങ്ങനെ മുന്നോട്ട് പോവുകയാണ്.കുറച്ചു കഴിഞ്ഞതും ഉപ്പക്ക് ബോറടിക്കാന് തുടങ്ങി.ഉപ്പ ചെറുതായി കോട്ടുവായിട്ടു. ഭാഗ്യം! അതാരും കണ്ടില്ല.അടുത്തതായി ആരെയും തെല്ലും കൂസാത്ത എന്റെ സ്വന്തം ഉപ്പ അ ആ ആ ആ ഹാ ഹ് എന്നു നീണ്ട കോട്ടു വായിട്ടു, എക്കൊ ഉള്ള ആ എസി ഹാളില് ആ കോട്ടുവായുടെ നീളം ഒന്നു കൂടി വര്ധിച്ചതായി ഒരു തകര്ച്ചയോടെ ഞാന് മനസ്സിലാക്കി. അതോടെ ഇക്ബാല് സര് പെന്ഡ്രൈവ് ഊരി, പെട്ടി അടച്ചു. ഞാന് ഗദ്ഗദത്തോടെ സമ്മാനം ഏറ്റുവാങ്ങി .
ഏതാനും മാസങ്ങള്ക്കു ശേഷം ഞാന് ഇക്ബാല് സാറിനെ കോഴിക്കോട് ഒരു ബുക് എക്സിബിഷനില് വെച്ച് കണ്ടുമുട്ടി.സാറിന്റെ പ്രസംഗം മോശമായതു കൊണ്ടല്ല , എന്റെ ഉപ്പയുടെ അറിവില്ലായ്മ കൊണ്ടാണ് എന്നൊക്കെ പറയാന് വെമ്പി ഞാന് ഓടിചെന്നെങ്കിലും പ്രമുഖരെ, പ്രത്യേകിച്ചും ഞാന് ആദരിക്കുന്നവരെ കാണുമ്പോളുള്ള സഹജമായ വിമുഖതമൂലം (വായയിലെ വെള്ളം വറ്റലും നാവിറങ്ങിപ്പോകലും) ഞാനിത്രയെ ചോദിച്ചുള്ളൂ, ഇക്ബാല് സാറല്ലെ എന്നു മാത്രം, സര് അതെ എന്നു ചിരിച്ചു കൊണ്ടുത്തരം നല്കി തിരിച്ചു നടന്നു, സാറിനാണെങ്കില് സ്റ്റേജില് വെച്ച് ഒരു നോക്കു മാത്രം കണ്ട എന്നെ മനസ്സിലായതുമില്ല.
19 comments:
ഉപ്പയോടുള്ള സ്നേഹാദരങ്ങള് നര്മ്മത്തോടെ വായിക്കുമ്പോള് ഇതൊക്കെയാണ് യഥാര്ത്ഥ ജീവിതമെന്ന് മനസ്സിലാകുന്നു.
അവതരണം ഹൃദ്യമായി. ആശംസകള്
vaayichathinu thank you sir
നർമ്മ ബോധമുള്ള അപൂർവ്വം സ്ത്രീകളിൽ ഒരാളാണ് താങ്കൾ.
ആഴ്ചയിൽ ഒരിക്കലെങ്കിലും ഒരു രചന പോസ്റ്റ് ചെയ്യുക.
കവിതകളെക്കളും, വായിച്ചാൽ വയരിളകുന്ന ആധുനിക ഗദ്യതെക്കാളും നല്ലത് നർമം കലർന്ന ജീവിത അനുഭവങ്ങളാണ്.
thank you vimal
ചിരിപ്പിക്കാന് ഒരു ശ്രമമൊക്കെ നടത്തി ഏതായാലും സംഗതി കൊള്ളാം
great write-ups friend...
Thank u jasim
Nice shajitha.
Write more :)
ഒരു നല്ല കുറിപ്പ് വായിക്കാന് വൈകി പോയതില് ക്ഷമ ചോദിക്കുന്നു. രസത്തോടെ വായിച്ചു പോയി , വീണ്ടും വരാം ട്ടോ
thanks for ur reading and valuable comment
good reading...Shajitha.please try to change that back ground.very difficult to read the content...
veendum varaam....narmathil pothinja style thudaroo..all the best...
thank u sir
ആദ്യമായാണ് ഈ ബ്ലോഗില്....
നല്ലൊരു അനുഭവം നന്നായി തന്നെ പങ്കു വച്ചു....
-
THANK U SANGEET
ഏവര്ക്കും രസകരമായ ഓര്മകള് കാണും,പക്ഷെ അതു വായനക്കാര്ക്ക് മടുപ്പില്ലാതെ അവതരിപ്പിക്കാന് കഴിയുന്നില്ല.ഇവിടെ നല്ല ഒഴുക്കോടെ രസകരമായി അവതരിപ്പിച്ചിരിക്കുന്നു..എങ്കിലും ഇക്ബാല് സാറിനോട് ചെന്ന് ഇക്ബാല് സാര് അല്ലേ എന്നു ചോദിച്ചു...ചിരിക്കാന് വയ്യ
thank u sajan
സംഗതി ജോറായി....റാങ്ക് ജേതാവിന് ആശംസകള്......
നല്ലൊരു അനുഭവം നന്നായി തന്നെ പങ്കു വെച്ചു....
Post a Comment